Wednesday, April 9, 2014

حفل تسليم جوائز سحب تي اي داتا



مبروك لكل الفائزين فى مسابقة عرض تي اي داتا .. منتظرينكم يوم 11 ابريل فى اسكندرية - سيتى سنتر 
أسماء الفائزين: 
1- أحمد عبد الوهاب محمد - القاهرة
2- حاتم سيد أبو الوفا - القاهرة
3- حافظ خالد حافظ محمود - الأسكندرية
4- خديجة أحمد سعيد -الأسكندرية
5- عشماوى محمد عبد الرحمن - جيزة
6- محمد محمود محمد - الأسكندرية
7- محمد مصطفى أحمد - القاهرة 
8- مريم عادل محمد - الأسكندرية 
9- نهلة فرغلى سالم - القاهرة 
10- يحيى أبو الحديد يوسف - القليوبية 

مبروك لكل الفائزين متنتظرنكم :) 

Wednesday, January 29, 2014

المصرية للاتصالات توقع اتفاقية مع مجموعة طلعت مصطفى
 لبناء وتنفيذ شبكة اتصالات متكاملة لـ مدينتي





 وقعت الشركة المصرية للاتصالات اتفاقية مع الشركة العربية للمشروعات والتطوير العمراني إحدى شركات مجموعة طلعت مصطفى القابضة لتوفير أحدث خدمات الاتصالات المتطورة لمشروع "مدينتي" على مساحة 33 مليون متر مربع والذي يعد أحد أكبر المشروع العمرانية متكامل الخدمات التي ينفذها القطاع الخاص في مصر، لتواصل ريادتها فى تطوير المشروعات العملاقة، من خلال تزويدها بكافة خدمات الاتصالات المتكاملة عبر تكنولوجيا الألياف الضوئية.
وقال المهندس محمد النواوى العضو المنتدب والرئيس التنفيذى للشركة المصرية للاتصالات أن هذه الاتفاقية تعكس ثقة المؤسسات والشركات الكبرى فى قدرة الشركة على توفير أحدث وأقوى خدمات الاتصالات بأفضل التقنيات المتطورة والتي تضاهي مثيلاتها العالمية، مضيفا أن الشركة لها توجه استراتيجي ودور وطني يؤكد التزامها بنشر خدمات الانترنت والاتصالات المتكاملة على نطاق واسع لكافة عملائها.
وأوضح النواوى أن المصرية للاتصالات لها خبرات واسعة فى هذا المجال، خاصة بعد تنفيذ مشروعات مماثلة خلال العام الماضي اعتمادا على تقنية الألياف الضوئية حيث تعتلي الشركة قمة الشركات المتخصصة في هذا النوع من الخدمات ، مشيرا إلى أن تنفيذ مشروع "مدينتي"  سيعزز من مكانة الشركة كأحد الرواد فى تنفيذ وبناء شبكات الاتصالات المتطورة للمدن الجديدة لتمكن المستخدم النهائى بهذه المدن من الحصول على أعلى سرعات للانترنت والتي تصل إلى 10 جيجابيت/ثانية. 
وقال الاستاذ / جمال الجندي نائب الرئيس التنفيذي لمجموعة طلعت مصطفى  أن الخبرة الطويلة والإمكانيات الهائلة التى تتمتع بها المصرية للاتصالات أحد الأسباب الرئيسية للتعاون معها، من خلال مشروع "مدينتي" الذى يعد أكبر مجتمع سكني عمراني جديد فى مصر يخطط وينفذ طبقا لأحدث التقنيات العالمية، لتوفير الرفاهية والراحة لسكانها.  وأوضح أن مجموعة طلعت مصطفى حريصة على تقديم أرقى خدمات الاتصالات وفق أحدث التقنيات العالمية لقاطني مدينتي الحاليين ومستقبلاً . وأوضح نائب الرئيس لمجموعة طلعت مصطفى إن حزمة الخدمات العالية التي تضمنها هذه الاتفاقية في مدينتي ستتكامل مع كافة الخدمات الاخرى الراقية المقدمة بالمدينة لتوفر الحياة العصرية لسكانها ولنقدم بذلك قيمة مضافة حقيقية للاقتصاد القومي من خلال نموذج لمجتمع عمراني يوفر أعمال وخدمات تمتد لتشمل تقريباً كافة مناحي الحياة من مدارس ومراكز تجارية ومواصلات من والى المدينة ونادي رياضي وخدمات طبية شاملة ودور عبادة وحضانات واماكن ترفيه راقية.
وأضاف الاستاذ / جمال الجندي أن ابرام هذه الاتفاقية بين المصرية للاتصالات ومجموعة طلعت مصطفى يدعم جهود المجموعة فى ترسيخ مجتمع عمرانى مثالي متكامل الخدمات في مدينتي يستوعب 600 ألف نسمة فى 120 ألف وحدة سكنية عند اكتمال مراحله. 
ومن جانبه قال المهندس  تامر جاد الله رئيس وحدة أعمال الشركات والمؤسسات بالشركة المصرية للاتصالات  أن الاتفاقية تهدف فى الأساس إلي بناء شبكة اتصالات متكاملة عبر تكنولوجيا الألياف الضوئية المتقدمة فهي من أهم الأدوات التى تتيح تأمين المدينة بأحدث نظم المراقبة و تستخدم لتحسين سبل الاتصالات وتمكن المستخدمين من الاستعانة بخدمات متطورة مثل خدمات “Triple Play “ والتى تشمل  التليفزيون التفاعلي عبر الانترنت ، وكذلك خدمات الاتصال بالفيديو والاتصالات الصوتية عالية الجودة و الانترنت السريع .
كما أضاف أن المشروع سيتم تنفيذه على عدة مراحل، لبناء شبكة تتيح خدمات الصوت والصورة والبيانات مع تقديم التطبيقات الترفيهية والدعائية والأمنية، بالإضافة إلى خدمات الانترنت المتطورة من شركة تي إي داتا، والتي تعد أفضل مزود لخدمات الانترنت فائق السرعة فى مصر وأكد جاد الله أن هناك عدد من الخدمات في طريقها للطرح قريبا لكافة سكان "مدينتي".

Monday, January 20, 2014


اتفاقية تعاون بين المصرية للإتصالات و مجموعة الفطيم

لتوفير خدمات الإتصالات و الإنترنت 

لمشروع "كايرو فستيفال سيتى"

تعزيزًا لريادتها في توفير خدمات الاتصالات و نقل المعلومات داخل السوق المصري،  أعلنت الشركة المصرية للاتصالات عن توقيع إتفاقية تعاون مع مجموعة الفطيم العقارية لتوفير خدمات الاتصالات ونقل المعلومات  و خدمات الـ"Triple Play" لمشروع " كايرو فستيفال سيتي " وذلك باستخدام شبكة متطورة تعتمد على تكنولوجيا الالياف الضوئية، صرح بذلك المهندس محمد النواوي العضو المنتدب والرئيس التنفيذي للشركة، مضيفا أن المصرية للاتصالات تسعى جاهدة لتوفير كل ما يتطلع إليه عملائها من خدمات ذات تقنية عالية وبأسعار تنافسية.
أوضح النواوي أن الاعتماد على تكنولوجيا الالياف الضوئية يساهم في تقديم أفضل مستوى من جودة وكفاءة الخدمات الصوتية، كما تمكن العميل من الحصول على أعلى سرعات للانترنت والتي تصل إلى 10 جيجابيت/ثانية وهو ما تتميز بتقديمه وحدة أعمال الشركات والمؤسسات بالشركة المصرية للاتصالات ، كما أضاف سيادته أن تلك الاتفاقية تأتي تنفيذاً لسياسات الشركة نحو التطلع لريادة سوق الاتصالات باعتبارها الراعي الرئيسي لصناعة الاتصالات في مصر والمملوكة للشعب بنسبة 80%، وسعيها لتحقيق طموحات وتلبية رغبات عملائها والارتقاء بمستوى الخدمات المقدمة، واستعداداً للعودة مرة أخرى لتقديم خدمات الاتصالات المتكاملة.
أشار المهندس تامر جاد الله رئيس وحدة أعمال الشركات والمؤسسات بالشركة المصرية للإتصالات ان هذه الاتفاقية ستوفر باقات متنوعة من خدمات الاتصالات لهذا المشروع مثل الشبكات الافتراضية الخاصة  “VPN”، وخطوط الربط فائقة السرعة “Dedicated Internet”  إلى جانب خدمات “Triple Play “ مثل التليفزيون التفاعلي عبر الانترنت بجودة أعلى من حيث الصوت والصورة، وكذلك خدمات الاتصال بالفيديو والاتصالات الصوتية عالية الجودة، والاعلانات التفاعلية وتوفير أحدث تقنيات وأنظمة المراقبة لتأمين المشروع بالكامل.
ومن جانبه قال الدكتور محمد المكاوي" العضو المنتدب لمجموعة الفطيم العقارية " أن اختيارنا للشركة المصرية للاتصالات وذراعيها فى تقديم خدمات نقل البيانات - تي اي داتا  - لتقديم حلول وخدمات الاتصالات والانترنت لمشروع ( كايرو فستيفال سيتي ) - الذي يعد أكبر مدينة سكنية ترفيهية بالقاهرة تقام على 3 ملايين متر مربع - جاء بعد دراسة تسويقية متأنية للوقوف على أكبر وأفضل مشغلي هذه الخدمات ليس فى السوق المصري فقط بل على المستوى الاقليمى، خاصة وأن العملاء أصبح لديهم طموحات وإحتياجات متزايدة من خدمات الاتصالات المتطورة.
وأكد المكاوي أن الشركة المصرية للإتصالات ستكون بمثابة مشغل الاتصالات الأمثل  لمشروع "كايرو فستيفال سيتى" حيث ستقوم بكافة أعمال الادارة والتشغيل على مدار الساعة وطوال أيام الاسبوع لمشروع ضخم يعد مجتمعا حضرياً متكاملاً متعدد الاستخدامات ويضم أكثر من 300 متجر تجارى، منطقة مكاتب إدارية راقية، مجتمعاً سكنياً فاخراً يتألف من عدد كبير من الفيلات والشقق، فنادق عالمية ومدارس دولية في قلب بيئة طبيعية خلابة تقدم مفهوماً جديداً للحياة الراقية.

Sunday, January 12, 2014

ليه ممكن تشترك فى خدمة Tal2a من تي اي داتا؟


Tal2a من تي اي داتا


أسئلة كتيرة لازم تسئلها لنفسك قبل ماتفكر تشترك فى خدمة انترنت.. لكل واحد فينا طبيعة و شكل معين لحياته بتخلينا مختلفين حتى فى استخدمنا للانترنت. ممكن تكون السرعة أهم ليك او تكون بتحب الداونلود وكل يوم لازم تنزل فيلم او لعبة جديدة!  وعلشان كده استخدمنا للانترنت .. أكيد مختلف و بكده لازم تفكر كويس قبل ماتختار نوع الباقة أو الخدمة اللى هتشترك فيها.
وعشان نرضى كل احتياجات عملائنا ومستخدمين الانترنت فى مصر, قدمنا خدمة "Tal2a" اللى بيها بنقدم سرعة فائقة للانترنت وبأسعار مناسبة, ومش بس كده ده كمان Tal2a هتسهل على المشتركين فى الخدمة اختيار سعة التحميل اللى تناسب استخدام كل عميل.
ولو انت عميل حالى لتي اي داتا او مشترك جديد أكيد لازم يكون فيه اسباب تخليك تشترك او تحول لخدمة "Tal2a". ببساطة Tal2a هتقدملك:
1-      منظور جديد لسرعة الانترنت, هتستمتع بسرعة فائقة تفرق كتير عن اى خدمة انترنت تانية.
2-      أسعار مناسبة و فى متناول الجميع, الأسعار تبداً من 75 جنية.
3-      سعات تحميل مختلفة و بتتناسب مع استخدامك.
4-      ولو فى شهر خلصت سعة تحميلك ممكن تشحن رصيدك و من غير ما تنتظر ليوم تجديد الاشتراك.

جدول الاشتراك الخاص بباقات "Tal2a"

باقات Tal2a من تي اي داتا

ولو حصل ووصلت للحد المسموح به من الجيجابايت, هتنزل السرعة الى 128 كيلو بايت ولكن ممكن تشحن رصيدك من أماكن كتير وفى اى وقت واذا انتهى الشهر و لسه معاك رصيد من الجيجابايت, هيتم ترحيل الرصيد الموجود للشهر القادم.
ممكن تشحن رصيدك و انت مشترك على خدمة "Tal2a" من مراكز خدمة عملاء تي اي داتا, خدمة فورى, مكاتب البريد المصرى, Radio Shack, Mobile Shop, Computer Shop, B.TECH, وكمان الموقع الخاص بـ تي اي داتا. وأسعار شحن الرصيد:

أسعار شحن رصيد لطلقة

خدمة "Tal2a" مقدمة لكل عملاء تي اي داتا الحاليين و الجدد عشان نقدم بها خدمة انترنت افضل بسرعة فائقة و باقات متنوعة تناسب كل الاحتياجات, اشترك الان فى "Tal2a" و استمتع بخدمة انترنت مميزة!


Wednesday, January 1, 2014

يعنى ايه الأمن الإلكترونى
ازاى تحافظ على معلوماتك وتحمى نفسك على الإنترنت؟

الأمن الإليكترونى .... ايوة الأمن الإليكترونى , اصبر شوية متفهمش الموضوع غلط , عارف انها كلمة منظرها كبير و صعب تتبلع,  فى الواقع الكلمة مش حاجة كبيرة زى ما كتير مننا ممكن يظن انها كبيرة , لكن لو كملت البلوج لحد الأخر هتكتشف ان الموضوع بسيط و مش زى ما انت فاكر محتاج واحد مبرمج بقى و قاعد فى مكان مضلم و اودامه شاشة سودة و بيكتب كود و انت بقى لازم تكون الشخص العبقرى عشان تحمى نفسك منه , لا خالص!

امسح من دماغك المشهد دة تمامآ , عشان تكون فى الأمان عمومآ و على الأنترنت خصوصآ انت مش محتاج غير انك تغير أسلوب تعاملك مع الجهاز ومع الأنترنت و أضمنلك بنسبة 99% انك هتكون فى الأمان من حركات الهاكرز أو ان الأكونت بتاعك يتسرق.




أولا التصرفات و العادات:
-          لما تبقى فى الشغل و تقوم تشرب او تروح الحمام متسيبش الجهاز بتاعك مفتوح, مجرد ضغطة بسيطة على Start + L كدة انت فى السليم و روح الحمام زى ما انت عايز مش هتفرق عشان مفيش حد هيفتح الجهاز بتاعك فى غيابك و يحط حاجة عليه.
-          لو محتاج حد يعملك حاجة على الجهاز بتاعك و طلب منك كلمة السر ياريت تكتبها انت بنفسك و متقولهالوش, عشان غالبآ حضرتك عامل كلمة السر بتاعة الجهاز زى الميل زى حسابك فى البنك زى رقم تليفونك المحمول! وده مش صح على فكرة ..
-          اوعى تملى كلمة السر بتاعتك فى مكان فيه ناس كتير أو تكتبها و حد مراقبك و انت بتكتبها , كل الحاجات دى بسيطة بس ممكن تضيع بسببها حاجات كتير.
-          متفتحش حساب الفيس بوك بتاعك أو التويتر أو الميل بتاعك الا من جهاز انت واثق منه , يعنى ممكن تنزل فى سايبر كافيه و تفتح كل الحاجات دى و كلمة السر تتسرق عادى و انت مش واخد بالك عشان فى برامج بتسجل كل  كلمة كتبتها و انت على الجهاز , عارف ان الموضوع صعب و أوقات كتير بنتزنق بس حاول تقلل استخدام الكمبيوترات العامة.
-          اول ما يضيع المحمول بتاعك او اللاب توب اجرى غير كلمة السر بتاعة المواقع اللى انت مشترك فيها بسرعة عشان اللى سرق الجهاز ممكن جداً يفتح الجهاز و يعرف أسرارك أو يغير هو كلمة السر برضو

ثانيآ على الأنترنت:
-          بيجيلك فى الميل بتاعك رسائل كتير انت كسبت معانا كذا و افتح الملف دة عشان تعرف الجائزة و هكذا , كل الحاجات دى بتبقى برامج بنسميها حصان طروادة Trojan بيكون هدفها انك اول ما تحاول تفتح الملف تدخل الجهاز و تسيطر عليه و يبقى الجهاز بتاعك فى الشارع , هو احنا كلنا فى الشارع بس مش فى الشارع قوى, البرامج دى بقى بتخليك فى الشارع قوى قوى قوى!
-          دايمآ استخدم برامج حماية قوية أو اى برنامج حماية تحب تستعمله بس الفكرة ان البرامج المجانية غالباً مبتحميش حاجة و البرامج اللى معملها كراك تفتكر انك ممكن تثق فى شركة تحمى جهازك سهل ان البرنامج بتاعها يتكرك ؟؟ طبعآ لأ , فنصيحة جيب اى برامج متكرركة الا الأنتى فيروس عشان يحمى الجهاز فعلآ.
-          غير كلمة السر كل فترة , يعنى كل شهر كدة أعمل عملية تغير لكلمة السر على كل حساباتك من الميل للفيس بوك و التويتر
Settings >> Password >> Current password >> New password >> New Password again
-          شغل خاصية ال 2 steps log in  على التويتر و على الجيميل و على الياهو و على الفيسبوك , و دى خاصية بتخليك كل ما تفتح جهاز جديد يبعتلك رقم على الموبيل قبل ما يفتح و انت تدخل الرقم ده مع كلمة السر عشان تحمى نفسك من السرقة و هى مرة واحدة بس و الجهاز الجديد ده بيتعرف وخلاص

Gmail:
أفتح اللينك ده
Put your username and password
Put your phone number and chose your country
Click on send code
Put the code on the Box
Check the Boxtrust this computer
Then click confirm
Done
لوعايز تعرف اكتر ازاى تأمن نفسك؟ او تستفسر عن معلومة لها علاقة بالأمن الاليكترونى , اكتب استفسارك فى تعليق هنا 

Written by
Olva Tito
Data Center Supervisior, TE Data



Sunday, December 29, 2013



تطبيق "سهلها" من تي اي داتا



ازاى تعرف فين اقرب فرع تي اي داتا ليك؟




أكيد ممكن تفكر انك تدفع فاتورتك او تجدد اشتراكك او تستعلم عن اى حاجه تخص الاشتراك بتاعك فى تي اي داتا ومتعرفش اقرب فرع ليك فين؟ دلوقتى تي اي داتا سهلت عليك كل ده و بتقدم لعملائها تطبيق "سهلها" على كل الهواتف الذكية واللى بيشتغل على كل انظمة التشغيل (Blackberry – Android – iOS)
خدمتنا على تطبيق "سهلها" هتعرفك عناوين كل فروع الشركة وساعات عمل كل فرع فى كل محافظات مصر وده طبعاّ باللغة اللى تفضلها. وهتقدر توصل لعنوان اى فرع حتى لو خارج المحافظة اللى انت موجود فيها.

أماكن الفروع فى محافظات مصر
وكمان باستخدام تكنولوجيا الـ GPS  هتقدر تعرف مكان الفرع القريب ليك و كل التفاصبل اللى ممكن تفيدك من عنوانه ومواعيد العمل هناك. باستخدام "سهلها" هتقدر تعرف الرقم السرى بتاعك لو نسيته بعد ماتكتب الكود الخاص بالمنطقة وكمان رقم تليفونك الارضى وهتوصلك رسالة على تليفونك المحمول بالرقم السرى فى دقائق قليلة .. اعرف اكتر عن تطبيقنا و داونلود سهلها دلوقتى!





ادخل هنا http://bit.ly/1kCAL0U عرف اكتر عن تطبيقنا و داونلود سهلها دلوقتى! 









Sunday, November 3, 2013

تي اي داتا بتدعم المخترع المصرى شريف يحيى فى مسابقة نجوم العلوم



مصر بتتقدم بأولادها و مخترعيها اللى بيرفعوا اسم مصر فى كل بلاد الدنيا. دورنا كشركات وأفراد اننا نقف وراء كل مصرى صاحب موهبة ممكن بتنفذها يفيد العالم كله و مش بس يعلى اسم بلده. وزى ما بدأنا مبادرتنا "حقق حلمك" فى 2011 ودعمنا المخترع المصرى "هيثم دسوقى" واللى فاز بالمركز الاول فى مسابقة نجوم العلوم .. المرة دى شريف يحيى بيتنافس بإسم مصر من تانى. 
اتقدم شريف لمسابقة نجوم العلوم اللى بتدعمها مؤسسة قطر للتربية و العلوم  وقدر يوصل للمراحل النهائية من المسابقة بعد لما قدر يتخطى اكثر من 7000 متسابق من بلاد عربية مختلفة. واللى هيفوز فى مسابقة نجوم العلوم هيحصل على 300 ألف دولار امريكى كتقدير له علشان اللى هيقدمه من خدمة للبشرية بإختراعه.
اختراع شريف يحيى فى النسخة دى من المسابقة بيفيد البشرية فى ابسط واهم حقوقها .. التواصل. شريف قدر يخترع جهاز  يساعد اى حد عنده مشكلة لغوية او من الصم و البكم على سهولة تواصله مع الاخرين. و الجهاز (أطلق عليه اسم "صوتى") بيقوم على تحول الصوت المشوه الى كلام واضح يفهمه الانسان الطبيعى. و كمان الجهاز ممكن يحول الصوت المشوه الى نص مكتوب لزيادة التوضيح و التواصل مع الاخرين.
شريف يحيى هو اللى بيمثل مصر والمصرى الوحيد فى مسابقة نجوم العلوم. تي اي داتا بتدعم شريف انه يرفع علم مصر من تانى ويشرف أهلها  .. ودلوقتى دورك انك تصوّت لشريف و تدعمه!
صوّت لشريف وابعت دلوقتى SMS  فيها رقم (4)   من اى موبايل على رقم 95175